Pantaila bidez “bidaiatzeko” aukerarik izan duzue? Zer herrialde “bisitatzeko” aukera izan duzue telebista, mugikor edota ordenagailu bitartez?

Hori da unitate honetan egin beharko duzuena, dagokizuen kontinenteari buruzko bideo-erreportaje bat osatu beharko duzue eta bertako dantzak, abestiak eta berezitasunak ikaskideei erakutsi. Bideoak sortzen ikasiko duzue!

Ezagutzen duzue bideo-sortzailerik? Nolako lanak egiten dituzte? Zein duzue gustuko?

Baina, hasi aurretik, ba al dakizue zenbat kontinente dauden? Eta bakoitza non kokatzen den?

Ederki! Bost kontinente ditugu: Europa, Afrika, Amerika, Asia eta Ozeania. Orain, bost talde osatuko dituzue eta talde bakoitzak kontinente bat aukeratu beharko du.

Hezkuntza Sailak diruz lagundutako materiala
Asmoz Fundazioa
Ikasmaterialak Creative Commons Aitortu-EzKomertziala-PartekatuBerdin 3.0 (CC BY-NC-SA 3.0) lizentziapean daude.